رێنمایێن ساخلەمیێ تایبەت ب هەیڤا رەمەزانا پیروز سالا 2024
ب هەلکەفتنا هاتنا هەیڤا رەمەزانا پیروز و ژ پێخەمەت پاراستنا ساخلەمیا گشتی و پاراستنا ساخلەمیا روژیگرێن بەرێز بریار هاتە دان ئەف رێنمایێن ل خوارێ دیارکری بهێنە بەلاڤ کرن بو جهێن گشتى و پێگیری پێ بهێتە کرن و هەر جهەکێ نە پێگیربیت دێ کەڤیتە بەر سزایێن یاسا ساخلەمیا گشتی .
شەربەت ب گشتی:
- دڤێت هەمی جهێن جێکرنا شەربەتا و تەزیاتیا ئامیرێن پالاوتن و تافلیکرنا ئاڤێ (تصفیه و تعقیم) ب قەبارێن مەزن بدانن بو جهێن خو ژبو دابینکرنا ئاڤەکا ساخلەم بو شویشتنا ئامان و ئامیرێن کاری و ئامادەکرنا شەربەتا و هەمی جورێن گڤاشتیا( عصائر).
- ئامیرێن پالاوتنێ دڤێت بەردەوام کاربکەن داکو تافیلکرنا ئاڤی ب شێوەکێ دروست بهێتە کرن و دڤێت بەردەوام فیلتەرێن ڤان ئامیرا بهێنە گوهارتن ل دویف پێدڤی و قەبارێ کاری.
- دڤێت شەربەت د ناف تەزیکەرا دا بهێنە هەلگرتن و دانان و نابیت ب هیچ رەنگەکی لسەر ستێرکا و ژدەرڤەی دوکانێ بهێنە دانان.
- دڤێت بتنێ بو روژەکێ شەربەت بهێتە دروستکرن و ئامادەکرن و نابیت بمینیت بو روژا پاشتر و ئەگەر ما دڤێت بهێتە ژناڤبرن و ژبو کونترولکرنا ڤێ چەندێ دڤێت مێژوو لسەر بتلێن شەربەتێ بهێتە دانان.
- نابیت شەربەت لسەر عەرەبانا و لسەر شوستەیان (رەصیفا) بهێتە دانان و فروتن .
- فێقیێ تایبەت بو گڤاشتنێ دڤێت باش بهێنە شویشتن و زوهاکرن پاشی د ناف تەزیکەران دا بهێنە پاراستن.
- شەربەتا مێویژا دێ رێک بو هێتە دان بو ئامادەکرنێ و فروتنێ ل جهێن دەستویردای ل دویف ڤان مەرج و رێنمایێن تایبەت ب شەربەتا مێویژا ڤە یێن هەڤپێچ .
- لاری نینە شەربەت ل مارکێت و دوکانا ژی بهێتە فروتن لێ دڤێت ژ جهەکێ دەستویردای ڤان شەربەتا بینن و لێبلێ جهێ چێکرنا شەربەتێ لسەر بیت و ل جهەکێ گونجای بهێتە هەلگرتن و یا د مینیت بو روژا پاشتر بهێتە ژناڤبرن.
شریناهی و هەڤیرەکان: - نابیت و قەدەغەیە هەمی جورێن شریناهیا و هەڤیرەکان بهێنە چێکرن ژبلی کارگەهێن شریناهیا یێن دەستویریا ساخلەمیێ هەی و ل دەمێ بەلاڤ کرنێ ژی دڤێت لێبلێ کارگەهێ و مێژوویا چێکرنێ و سەرڤەچوونێ (تاریخ الانتاج و الانتها‌و) ب ئاشکرایی لسەر بەرهەمێن وان بن.
- نابیت ب هیچ رەنگەکی شریناهی ( بەقلاوە، زەلابی، کونافە……..هتد) لسەر عەرەبانا و سەرجادا و رەصیفا و جهێن ڤەکری بهێنە فروتن .
- نابیت شریناهی بهێنە دانان ژ دەرڤەی وان جهێن لێ دهێتە فروتن و دڤێت د نخافتی
- شریناهیێن کارگەهێن پارێزگەهێن دیتر وەک(بەقلاوە، زەلابی، کونافە، شەربەت و…….هتد) دڤێت ل دویف رێنمایێن ساخلەمیێ بن و مێژوویا دروستکرنێ لسەر بن و لێبلێ کارگەهێ ژی لسەر هەبیت.
گوشت و بەرهەمێن گوشتی: - نابیت گوشت ژ دەرڤەی جامخانا و دەرڤەی تەزیکەران بهێتە دانان.
- پشتی دەمژمێر (12)ی نیڤرو دڤێت گوشت بهێتە هەلگرتن د تەزیکەران دا.
- نابیت ئاژەل بهێنە سەرژێکرن ژ دەرڤەی سەربرخانەیێن دەستویردای.
- دڤێت هەمی کەلەخێن ئاژەلی یێن سەرژێکری مورا ڤیتێنەریێ لسەر هەبیت و یا دیار و ئاشکرا بیت کو ئەو ئاژەلە ل دەمێ سەرژێکرنێ یێ ساخلەم بو.
خوارن و خارنگەهـ: - جگارە کێشان قەدەغەیە ل هەمی جهێن خارن لێ دهێتە پێشکێش کرن.
- نابیت شریناهی و شەربەت بهێنە چێکرن و فروتن ل جهێن رێ پێ نەدای بو ڤی کاری وەک (خارنگەهـ ، چایخانە ، دوکانێن تەزیلات و ئامانا و …هتد) بتنێ ل تەزیاتی و شریناهیا رێ پێ هاتیە دان ڤی کاری بکەن.
تێبینی: - دڤێت هەمی جهێن گشتى پێگیریێ ب ڤان مەرج و رێنمایان بکەن وپاقژیا گشتی ب پارێزن و ئەو جهێن سەرپێچی هەبن دێ کەفنە بن بارێ سزایێن یاسایی.
- بەفرا کارگەها بتنێ بو تەزاندنێ یە و بکێر ڤەخوارنێ ناهێت لەوما دڤێت بتنێ بو مەرەما تەزاندنێ بهێتە بکارئینان.
- لیژنێن دویفچوونێ ( لیژنا بالا یا ساراستنا ساخلەمیا گشتى ل دهوکێ و ل قەزایێن سەر ب پارێزگەها دهوکێ ڤە، لیژنێن دویفچوونا سەرپێچیا ل قائممقامیێن قەزا ، تیمێن زێرەڤانی و چاڤدێریا سەلامەتیا خوراکی ، تیمێن رێڤەبەریا ئاسایشا پارێزگەها دهوکێ /ئابووری ب هەماهنگی دگەل تیمێن ساخلەمیێ) دێ بەردەوام دویفچوونا ڤان رێنما کەن ل ناف بازاری و کولانێن باژێری ژبو پاراستنا ساخلەمیا گشتی ، و جهێن سەرپێچ کار دێ هێنە سزادان ل دویف یاسا ساخلەمیا گشتى.
- کەس بێ ماسک و دەزگورک و کولاڤ ل جهێن گشتى کارنەکەت.
رێنمایێن تایبەت ب ئامادەکرنا شەربەتا مێویژا ڤە بو هەیڤا رەمەزانا پیروز یا سالا 2024
- ئەو جهێن شەربەت لێ دهێتە چێکرن و ئامادەکرن دڤێت دەستویریا ساخلەمیێ هەبیت .
- جهەکێ گونجای بو هەلگرتنا مێویژێن هشکری هەبیت دویر ژ شهێ و تەراتیێ و پیسبوونێ.
- شویشتنا مێویژا ب ئاڤەکا پاقژ و ساخلەم و بهێنە تافیلکرن.
- نماندنا مێویژا ب ئاڤەەکا ساخلەم و ل جهەکێ گونجای بیت و نە ژ دەرڤە بیت.
- هێرانا مێویژا ب ئامیرێن پاقژ و ئوتوماتیکی بیت.
- بکارئنانا ئاڤا داگرتی یان ئاڤا فیلتەر کری بو پارزنینێ (ترشیح).
- بتنێ بکارئینانا تاما پینگی و نابیت پینگێ هشک کری بهێتە بکارئینان.
- ئەو ئامانێ دهێتە بکارئینان بو شەربەتا دڤێت بتنێ بو ئێک جار بهێنە بکارئینان .
- شەربەت بتنێ بو روژانە بێتە ئامادەکرن و نەمینیت بو روژا دیتر.
- جهێن شەربەتێ ب کوم دفروشن پێدڤێە پسولا فروتنێ دگەل دابیت و ژێدەر یێ ئاشکرا و دیاربیت.
- ڤەگوهاستنا شەربەتی ژ جهەکێ بو جهەکێ دی دڤێت ب شێوەکێ ساخلەمی بیت.
- بەردەوام دێ نموونە دێ هێنە وەرگرتن بو پشکنینان و ل دویف یاسا ساخلەمیێ بریار دێ لسەر هێتە دان وەک ل خوارێ دیار: