پێشانگەها نێڤدەولەتی یا پەرتۆکێ گەڕا ١٥ێ و پشتی ١١ رۆژێن پری چالاکی و سەرەدانکرنا هژمارەکا زۆر ژ خەلکی و دەزگەهێن راگەهاندنێ و جهێن رەوشەنبیری و میری کەسانێن بەرنیاسێن دەڤەرێ ئێڤاریا ئەڤرۆ دوماهی ب کارێن خۆ ئینا.
ئەڤ سالە دا گەڕا ١٥ پشتی سێ سالێن ڤەقەتیانێ دهێت ژبەر پەتایا کۆرۆنایێ، دوماهی جار ل سالا ٢٠١٩ گەڕا ١٤ ێ هاتبو ئەنجامدان.
ب پشکداریا ٣٥٠ دەزگەهان ژ سەرانسەری جیهانێ، ب پتر ژ ملیون ناڤونیشان ژ پەرتوکێن جودا جودا و بابەتێن ئاینیى، زانستیى ، زارۆکان، تەکنولوجی، زانستی، ھونەریى و وەرزشی .. هتد، دناڤ پێشانگەهێ دا هاتبونە نمایشکرن، زێدەباری رۆژانە پەنەل و سمینارێن جوراوجور دهاتنە پێشکێشکرن.
