خەم چەوا لەشێ تە و مێشکێ تە ژناڤ دبەت؟ زانست بەرسڤێ د دەت.
ڤەکولین دیاردکەن خەمگینی کارتێکرنێ ل مرۆڤان دکەت تا وی راددێ مرۆڤی توشی نەخوشیێن دلی، پەنجەشێرێ، کێشێن بیردانکێ، کێشێن ئامیرێ هەرسکرنێ و نەخوشیێن کێمکرنا بەرگریێ.
ڤەکولین دیاردکەت ئەو بابێن کوڕەکێ خۆ یان کچەکا خۆ ژ دەست دای، بەلکی توشی رەجفینا دلی ببن، و دل ب شێوەکێ دەمکی خۆ دقوتیت کو جارجارە دراوستیت و کاردکەتە ڤە بێی کو نەخوش پێ بزانیت. ئەڤ چەندە ژی د بیتە ئەگەرێ توشبوون ب جەلتا دلی.
ڤەکولەران ل پەیمانگەها کارولینسکا ل سوید دبێژن، ئەوێن کەسەکێ خۆ یێ نێزیک وەک زارۆکەک، هەڤزژین، ئێک ژ دەیبابان، خویشک یان برا ژدەست دای، پتر مەترسیا توشبوونێ ب رەجفینا دلی، نەخوشیێن دلی، جەلتا دلی یان جەلتا مێشکی ببن.
هەر ڤێ ڤەکولینێ ئەوا پشتبەستن ب ملیون کەسان ل سوید و دانیمارک کری ل کۆڤارا JAMA Network Open بەلاڤ بوی دیارکر، ئەڤ کێشەیە ٤١% دەلیڤا توشبوونێ زێدە دکەت، و س٣ هەیڤێن دەستپێکێ دەلیڤە پترە.
