سناپ چات د داهاتوی دا بو زڤڕاندنا ستریکان دێ پارەی ژ بکارهێنەرێن خو وەرگریت!

پشتی کو خەلکی گەلەک حەز ژ ستریکێن سناپچاتی کری و گەلەک گرنگی پێدای و پشتی پتریا بکارهێنەرێن سناپچاتی ستریک دگەل هەڤالێن خو دروست کرین، کومپانیا سناپچاتی بڕیار دایە زڤڕاندنا ستریکان د داهاتوی دا بینیتە دناڤ ئەپا سناپچاتی دا وەکی دزانین بەری نوکە ب رێکا داگرتنا فوڕمەکێ بو د سایتێ پشتگیرییا سناپچاتی دا، و د سایتێ پشتگیرییا سناپچاتی دا ل بەشێ زڤڕاندنا ستریکان دا تێبینی کرییە و گوتییە “پشتی ئەم زڤراندنا ستریکان دکەینە د ئەپا خو دا ئەڤ فورما زڤڕاندنا ستریکان بەردەست نامینیت” و جارا دەستپێکێ دێ بێ بەرامبەر بیت لێ جارێن دویڤدا دڤێت ١$ بدەی هەتا بشێی ستریکێن خو بزڤڕینی.

هەروەسا کومپانییا سناپچاتی گوتییە “ل ڤان نێزیکان دێ ڕێکەکا نوی زێدەکەین بو بەشداربوویێن +Snapchat بو ڕاوستاندنا ستریکێن خو لدەمێ دزانن کو وایفای نامینیت و ژ تۆڕێ دەربکەڤن”.