سەندیکا رۆژنامەنڤیسێن کوردستانێ ٣٠٠ ژ ئەندامێن خۆ ل سەیرانگەهەکێ کومڤەکرن
لقێ دهۆکێ یێ سەندیکا رۆژنامەنڤیسێن کوردستانێ و ب هەلکەفتا ١٢٧ سالڤەگەڕا رۆژا رۆژنامەڤانیا کوردی، سەیرانەک ل سەیرانگەها بابلو و ب پشکداریا ٣٠٠ رۆژنامەڤانێن ئەندامێن سەندیکایێ ژ پتریا دەزگەهێن پارێزگەها دهۆکێ رێکخست.
سەیران ب چاڤدێریا پارێزگارێ دهۆکێ د. عەلی تەتەر و ب ئامادەبونا نەقیبێ رۆژنامەنڤیسێن کوردستانێ هاتە گێڕان، و ل دەمژمێر ١٠ی سپێدێ دەست ب بەرنامێ خۆ کر و تا دەمژمێر ٤ێ ئێڤاری یا بەردەوام بو و دناڤ دا سەرەرای خاندنا پەیڤا سەندیکا رۆژنامەنڤیسێن کوردستانێ لقێ دهۆک و ئەنجومانێ سەندیکایێ، هژمارەکا چالاکیان هاتنە ئەنجامدان و ژ وانا بەلاڤکرن و بەرچاڤکرنا سێ پەرتوکێن لدور رۆژنامەڤانیێ هاتینە چاپکرن یێن رۆژنامەڤانان مللەت عسمەت، عبدالرحمن بامەرنی و کارزان . هەر وەسا ئاهەنگەکا ستران گوتنێ.
وەکی نەقیبێ رۆژنامەڤانان د پەیڤا خۆ دا گوتی ل رۆژا ئازادیا رۆژنامەڤانی یادا ١٢٧ سالیا رۆژنامەڤانیا کوردستانی دگێڕین، شانزیێ دبەین سەندیکا خۆدان ٤ یاسایێن تایبەتە و ژ وانا یاسایا کارێ رۆژنامەڤانیێ یا ژمارە ٣٥ سالا ٢٠٠٧ێ .
