ھەر وەکی ھاتیە دیارکرن کو ئاڤ ژێدەرێ سەرەکیێ ژیانێ یە ،لەورا ژی دبێژن ئاڤ ئاڤاھی یە ، کو ب رامانا وێ چەندێ ھەر ئەردەکێ ئاڤ لێ ھەبیت ل وێرێ جھێ ژیانێ یە، ب واتایەکا دی ئاڤ ب سامانەکێ نشتیمانی دھێتە قەلەم دان ، ل ھەمی جیھانێ گرنگیەکا مەزن بڤی سیتکەری دھێتەدان ، لەورا ژی روژا (٢٢) ئادارێ ب روژا جیھانیا ئاڤێ ھاتیە دەست نیشانکرن ، دڤێ روژێ دا تەکەزی لسەر پێتڤیا ئاڤا پاقژ ل جیھانێ دھێتەکرن ، بلا روژاجیھانیا ئاڤێ بیتە روژا تێکەھشتنا مە بو ڤی سامانێ گرنگ ،بەلاڤکرنا رەوشەنبیریا ئاڤێ لسەر ئاستێ خێزان و کومەلگەھێ ژکارێن خویێن روژانە ب دانین ، نوکە مەترسیەکا مەزن یا لسەر ئاڤا شرین ھەی لسەر ئاستێ جیھانێ کو “٢، ٢-بلیون مروڤ دبێ بەھرن ژ ئاڤا ڤەخارنێ ل جیھانێ ،لەورا یا پێتڤی یە لسەر حکومەتا ھەرێما کوردستانێ گرنگیەکا مەزن ب سیکتەرێ ئاڤێ بدەت، لدیف شێوازو سیستەمێن پێشکەفتی یێن جیھانێ ب رێکێن زانستی و سەردەمیانە ، ژبو ھندێ مەترسیا کێمیا ئاڤێ دئایندەی دا لسەر وەلاتێ مە روینەدەت ، ھەر چەندە نیشانێن زەنگا مەترسیا کێمیا ئاڤێ ب گشتی و ئاڤا ڤەخارنێ ل عیراق وھەرێما کوردستانێ ھاتیە لێدان ئەڤە ژی پشتێ وێ چەندێ ھات کو(تورکیا ) جەندین (بەنداێن مەزن) لسەر ریبارێ ( دیجلە و فرات ) ئاڤاکرینە و دیسان ژلایێ وەلاتێ (ئیرانێ ) ھەرەشایا وێ چەندێ دکەن گەلەک جاران ئاڤ لسەر گرتی یە ، و ژلایەکی دیڤە ئەوھشکەسالیا ڤان سالێن داویێ ب سەر وەلاتێ مەدا ھاتین بویە ئەگەرێ وێ مەترسیێ ل ئایندێ عیرا ق و ھەرێما کوردستانێ ، ب مخابنی ڤە وەکو پێتڤی ژلایێ ھەردوو حکومەتێن عیراق و ھەرێما کوردستانێ ھەست بڤی مەترسیا مەزن نەکربیت ، یا پێتڤی یە ھەولێن جدی وبلەز دەربارەی ڤی بابەتی بھێنە ھاڤێتن دگەل وەلاتبن ئیران و تورکیا ژلایەکی ڤە و ژلایەکێ دیڤە رابن ب درستکرنا چەندین بەنداڤێن مەزن ژبو بەرسینگرتنا ئەڤێ شوپولا مەترسیدار ئەوا دێ دپاشەروژێ دا ری ب ری وەلاتی مە بیتن ، دیسان ھوشیاکرن و پێگەھاندنا ھاوەلاتی کو ئابوریێ دمەزاختنا ئاڤێ دا بکەن ژبو ھندێ ھەر چنەبیت ئەڤا ھەی تێرا پێڤیێن ڤەخارنا مە بکەتن تا چارەسەریەکا گونجای و ریشەی بو ڤی بابەتی دھێتەدیتن ..
