Ultimate magazine theme for WordPress.

ئەخڵاق پێش سیاسەتێ یە، یێ هۆسا نەبیت دێ سیاسیەکێ بێ ئەخڵاق دەرجیت!

47

ئەخڵاق پێش سیاسەتێ یە… یێ هۆسا نەبیت دێ سیاسیەکێ بێ ئەخڵاق دەرچیت!


دبێژن د سیاسەتێدا نە دۆستێ هەتا هەتایی هەیە،نە نەیارێ هەتا هەتایی، سیاسیێن ئەخڵاق حیز خوە لبن سیبەرا ڤێ سێهوانێ ڤەشارتیە،هەر دەما خۆ فرۆشیەک، سیخۆری و بێ شەڕەفیەک د سیاسەت کرنێدا ئەنجامدا، ئێکسەر دێ بێژیت سیاسەتەو دێ خوە پێ حەلال و تافیل کەن!
ل تەڤایا جیهانێ سیاسەت زانست و مەعریفەتە.سیاسەتڤان ژبەری ببنە کەسێن سیاسی وانەیێن ئەخلاقی فێر دبن و د خۆینن و فێری وێ یەکێ دبن کۆ نابیت ب بهانەیا بەرژەوندی و پەیوەندیا کارێن نا ئەخلاقی بکەن و دەستێ خوە بکەنە دناڤا دەستێ ئەوان کەس و ئالیاندا،ئەو کەس و ئالیێن دەستێن وان بخۆینا نڤشێ وان سۆر بووی.
لگۆر بۆچوون و تێگەهشتنا سیاسەتڤانێن باشۆرێ کوردستانێ سیاسەت بێ دایک وبابە! لێ بباوەرا من گەر ئەوان دایک و باب هەبان یان نە د بونە سیاسەتڤان،یان دا کارێ سیاسی ب ئەمانەت و ئەخڵاق ئەنجام دەن.
د هەمی کۆڕو سمیناراو د هەمی ئاخافتنێن خوەدا، سەرکردەو بەرپڕسێن پارتی و ئێکەتی و پشکا شێری دبێژن (هەر چار ڕەخێن مە دۆژمنن) لێ بۆ بەرژەوەندیا پارتا خوەو بۆ مانا کورسیکێ خوە د ئامادەنە ببنە (گەی)و خوە مارە بڕ بکەن د گەل دۆژمنێن دەورو بەر.

33 ساڵێن حکۆمڕانیا پارتی و ئێکەتی وەسا خۆیا بویە ژبلی پارتی و ئێکەتی مللەتێ کورد چ دۆژمنەک نینە ئەوا هاتیە ڕێکار مللەتێ کورد ژ دەردەسەری وێرانی و کۆشتن و سۆتن و تاڵانیێ ئەگەرێ ڤێ هەمیێ پارتی و ئێکەتی بوویە، ئەو بێ خودانی و تالانکاریا نهاژی تێتە ڕێکا خەلکێ باشورێ کوردستانێ، پارتی و ئێکەتی ژبوی بەرژەوەندیا حزب و بنەماڵ و کورسیا خوە د خۆلقینیت.
گەر پارتی و ئێکەتی بزانن دێ مەترسیەک لسەر بنەماڵ و کورسیا وان هەبیت د ئامادەنە ب دەهان کارەساتێن مینا هەلەبچەو شنگاڵ و کەرکۆک ب خۆلقینت، مێژو شاهدە گەر (حزبا بەعس)ژبوی کارەساتێن مینا ئەنفال و هەلەبچە، جارەکێ تاوانبار بیت بنەماڵا تالەبانی و بارزانی دەهان جار تاوانبارن و سەبەبێن سەرەکی هەر ئەو دوو بنەماڵەبووینە، تا ئەو دوو بنەماڵە دەستهەڵات بن گەلێ کورد ل هەر چار پارچەیێن کوردستانێ خێرێ نابینن.
گەر مللەتێ کورد بڤێت بگەهنە حەق و ماف و دەولەت بوونێ دڤێت ل پێشیا هەر کارەکی دەستهەڵاتێ ژ دەستێ پارتی و یەکێتی بیننە دەر، گەر نە مەحاڵە مللەتێ کورد بگەهتە چ ئارمانج و مافا.
وەرن جیهانا سیاسەتێ ببینن وەرن مێژویا سیاسەت و سیاسەتمەدارێن وەڵاتێن بیانی بخۆینن دا بزانن سیاسەت نە بێ دایک و بابە، بەلکی ئەو کەس و ئالیێن سیاسەتێ ب بێ دایک و باب دزانن ئەو کۆڕێن کۆلانانە!
وەرن پرسیارێ ژ سیاسیێن ڕۆژ ئاڤا بکەن ئەو چجار مێژویا وەڵات و ئاخا خوە وندا ناکەن و سیاسەتێ ل گۆر مێژویێ دکەن و دەرسا ژ رابردویێ خوە وەردگرن و ناڤێن دۆست و دۆژمنان دکەنە باج و ب ستۆیێ خوەڤە دکەن و ب هیچ ڕەنگەکی یابوری ژ بیر ناکەن قەد ڕێکێ نادەن مار دووجار ب گەزیت، ئەو دبێژن گەر کەسەکی جارەکێ فێل ل مرۆڤی کر ئەو کەسە کەرە،لێ گەر دوو جار فێل ل مرۆڤی کر ئەو هینگێ مرۆڤ کەر کۆڕێ کەری یە.

پێشنیار. پسیار یان بەرسڤەک تە هیبیت لخارێ بنڤیسە

ئیمەیلێ تە ل چ جهان بەلاڤ نابیت