Ultimate magazine theme for WordPress.

بو چ ساڵڤەگەڕا رۆژنامەڤانیا کوردی ب رەزیلی

10

هەر ساڵ ل ٢٢ی نیسانێ رۆژا رۆژنامەڤانیا کوردی ب هژمارەکا چالاکیان د هێتە ساخکرن، و گەلەک جاران لایەنێن حزبی، حکومی و رێکخراوێن جڤاکێ سڤیل هەتتا هندەک جاران هندەک کەسان ژی خۆ ل ڤێ رۆژێ کریە خۆدان و سمینار و وورک شوپ و خەلاتکرن و بەریکانە رێکئێخستینە. بەلکی گەلەک ژ وان ل ئاستێ پیروزی و مەزنییا ڤێ رۆژێ نەبن بەلێ هەر جهێ دەستخوشیێ یە، و قەرەکێ بچویکێ مالباتا بەدرخانیان ل سەر خۆ ئەدا دکەن.

ئەڤا من و هندەک ژ هەڤال و هەڤپیشەیێن من یێن رۆژنامەڤان تێبینی کرین ئەڤە دو ساڵە ئەڤ بیرەوەریە ب رەزیلی هاتە ساخکرن یا گرنگتر ئەڤ سالە هەر نەهاتە ساخکرن و وەکی ئەز دبینم ب پلان ئەڤ رۆژە  هاتیە بێ بهاکرن، بەڵگە ژی گەلەکن و  دبەرچاڤن، ل شوینا ئەڤ رۆژە ب تنێ بو رۆژا رۆژنامەگەڕیا کوردی بیت هندەک لایەنان هندەک چالاکیێن دی کرنە د ڤێ رۆژێ دا بەرێ خەلکی و فوکسا راگەهاندنێ ئێخستە سەر وان چالاکیان و ژ قەبارێ وێ مەزنتر دایێ.

ئێک؛ دیدارا نێڤدەولەتی یا رۆژنامەڤانان، ئەڤ ساڵە گەڕا سیێ ژڤێ دیدارێ هاتە سازکرن ژبلی کو مە نەزانی کی د شێت پشکداربیت و مەرج و پیڤەرێن پشکداریێ چنە و چەند کەس دێ پشکداربن و ئەو پشکدارە ژ کیڤەنە و ل چ ئاست دانە. ل سەر سایتێ سەندیکایێ بخۆ و پەیجێ فەرمی یێ سەندیکایێ ل سەر پلاتفورما فەیسبوکێ تا نڤێسینا ڤان رێزان ژی چ تشتەک ل سەر ڤێ دیدارێ نە هاتیە بەلاڤکرن. بو زانین سەندیکا دشێت ڤێ دیدارێ د رۆژەکا دی و د هەیڤەکا دی دا سازکەت.

دو؛ پارەدارنەکرنا ڤێ رۆژێ ژلایێ حکومەتێ ڤە ئەگەرەکێ دی بوو ئەو لایەنێن بەری نوکە ئەڤ رۆژە ساخ دکر بێ دەنگ ببن، نەخاسمە لایەنێ دارایی یێ کەسان بخۆ ژی هاریکارنەبو ژ کیست خۆ هندەک چالاکیان بکەن.

سێ؛ پێشوەخت داخوازکرنا هەمی فەرمانبەر و کادرێن پارتی دیموکراتی کوردستان بو سەرەدانا دەڤەرا بارزان ئەگەرەکێ دی یێ سەرەکی بو ئەڤ رۆژە لاوازببیت. ئەو ژی د شیان ئەڤ سەرەدانە بو رۆژەکا دی بیت نە د رۆژا رۆژنامەڤانیا کوردی دابیت، بو ڤێ سەرەدانێ رۆژێن خودێ د بەرفرەهـ بوون، ئەگەر یا مەبەستدارنەبیت.

چار؛ سەرەدانا سەرۆک کۆمارێ تورکیا بو هەولێرێ رۆلەکێ کاریگەر د ڤێ مژارێ دا گێڕا، کو بەلکی پتریا راگەهاندنکاران و دەزگەهێن راگەهاندنێ ب رۆمالکرنا ڤێ سەرەدانێ ڤە دمژویل مەشغول بوون. حەزدکەم کو دەستێ وی یێ دەرەکی دگەل ڤێ لاوازکرنێ دا نەبیت.

ئەگەر چ بەرنامە و پلان ژی نەبن حکومەت ئەوا بەری هەیامەکێ بەحسێ مزگینیا دکر، وەک جەژنانەیەک نە دشیا ئەو رۆژنامەڤانێن ژ سالا ٢٠١٢ێ وەرە ب مفادار هاتینە هژمارتن و تا نوکە پارچێن خۆ یێن عەردی نە وەرگرتین تنێ ب ئاماژەیەکێ و وەکی مزگینیەکا ماف ب سەرڤەچویی پارچێن وان یێن عەردی دابانێ و مزگینیا ١٢٦ پارچێن دی یێن عەردی ب ١٢٦ رۆژنامەڤانان هاتبا دان.  

ئەرێ هەڤالێن رۆژنامەڤان چدبێژن ئەم ئەڤێن خەم ژ رۆژا رۆژنامەگەڕیا کوردی دخوین چ بکەین: رۆژەکا دی ل شوینا ٢٢ی نیسانێ بدانین خایەنێتێ ل میقداد میدحەت بەدرخان بکەین؟ یان سەندیکایەکا دی دامەزرینین یان هەلبژێرین ب دادپەروەرانە و بێ جوداهی کونفرانسان رێکبێخت و ڤێ رۆژێ ساخکەت؟ یان ژی دامەزراوەیەکێ بدانین تایبەت ب ساخکرنا رۆژا رۆژنامەگەڕیا کوردی؟.

کوردا ژ مێژە د گوت ئەگەر نەزانی چاڤدە جیرانی! دێ سەحکەینە سلێمانیێ ب هەلکەفتیا ١٢٦ ساڵیا رۆژا رۆژنامەڤیانا کوردی چ ل وێرێ هاتیە ئەنجامدان؟.

پێشنیار. پسیار یان بەرسڤەک تە هیبیت لخارێ بنڤیسە

ئیمەیلێ تە ل چ جهان بەلاڤ نابیت