Ultimate magazine theme for WordPress.

پێنچ باژێرڤانیێن زاخۆ ژ دهۆكێ‌ هاتنه‌ ڤه‌قه‌تیان و چوونه‌ سه‌ر ب ئیدارا سه‌ربه‌خۆ یا زاخۆڤه‌

11

رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ راگه‌هاند، ئه‌ڤرۆ رۆژا دووشه‌مبی رێككه‌فتی 4ی9 سالا 2023، هه‌ر پێنچ باژێرڤانیێن سنوورێ‌ ئیدارا سه‌ربه‌خۆ یا زاخۆ (بێرسڤێ‌، ئیراهیم خه‌لیل، ده‌ركار، بێگۆڤا و باتیفا) ب شێوه‌یه‌كێ‌ فه‌رمی ژ رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ هاتنه‌ ڤه‌قه‌تیان و چوونه‌ سه‌ر ب رێڤه‌به‌ریا گشتی یا باژێرڤانیان ل سنوورێ‌ ئیدارا سه‌ربه‌خۆ یا زاخۆڤه‌.

ئه‌ندازیار دیار به‌حری ره‌سول، رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ د كۆنگره‌یه‌كێ‌ رۆژنامه‌ڤانی دا دیار كر، پشتی ئیدارا سه‌ربه‌خۆیا زاخۆ هاتیه‌ دامه‌زراندن، ئێكه‌م جار باژێرڤانیا زاخۆ ل مه‌ها سێ‌ یا سالا 2021ێ‌ چوو سه‌ر ب ئیدارا سه‌ربه‌خۆ یا زاخۆ ڤه‌ و سه‌به‌رخۆ بوو، پشتی هینگی رێڤه‌به‌ریا گشتی یا باژێرڤانیان ل ئیدارا سه‌ربه‌خۆ یا زاخۆ هاته‌ دانان و ئه‌ڤه‌ ژی بۆ رێخۆشكه‌ر كو ئه‌ڤرۆ رۆژا دووشه‌مبی رێككه‌فتی 4ی ئه‌یلولا سالا 2023 ب شێوه‌یه‌كێ‌ فه‌رمی باژێرڤانیێن (بێرسڤێ‌، ئیراهیم خه‌لیل، ده‌ركار، بێگۆڤا و باتیفا) ژ رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ هاتنه‌ ڤه‌قه‌تیان و چوونه‌ سه‌ر ب رێڤه‌به‌ریا گشتی یا باژێرڤانیان ل سنوورێ‌ ئیدارا سه‌ربه‌خۆ یا زاخۆڤه‌.

ئاشكرا ژی كر، ژ ئه‌ڤرۆ وێڤه‌ ئه‌و باژێرڤانی دێ‌ ل گه‌ل رێڤه‌به‌ریا گشتی یا زاخۆ كارێ‌ خوه‌ ئه‌نجام ده‌ن، ره‌نگه‌ ئه‌ڤ بریاره‌ پیچه‌ك گیرو ببوو، به‌لێ‌ ژ به‌ر رێكارێ‌ ئیداری و دامه‌زراندنا رێڤه‌به‌ریا گشتی یا باژێرڤانیان ل ئیدارا سه‌ربه‌خۆ یا زاخۆ ئه‌ڤ بریاره‌ هه‌تا ڤی ده‌می مابوو هه‌لاویستی، ئه‌ڤه‌ بریاره‌ك بوو وه‌كو كار ئاسانیه‌ك بۆ خه‌لكێ‌ زاخۆ.

پێشنیار. پسیار یان بەرسڤەک تە هیبیت لخارێ بنڤیسە

ئیمەیلێ تە ل چ جهان بەلاڤ نابیت