بو ئێكه‌م جار خانمه‌ك ب بالاپوشی دبیته دادوه‌ر ل ئه‌مریكا
نادیه قه‌حف وه‌لاتیه‌كا سوریه ب ده‌رسوك ل روژا پێنچ شه‌مبیا بوری ل دادگه‌ها بلند یا نیوجێرسی ئاماده‌بو داكو سویندا یاسای بخوت و بیته دادوه‌ر.
نادیا لده‌مێ ئاماده‌بونێ ل دادگه‌هێ ب حیجاب ده‌ستێ خو دانا سه‌ر قورعانا پیروز و سویندا یاسای خار و ئه‌و قورئان ژی وێ دگه‌ل خو ئینابو د دادگه‌هێ ڤه و ب گوتنا وێ ئه‌و قورعان ژ داپیرا وێ بو مایه.
نادیا ل ده‌مێ سویند خارنێدا گوتارا خو ب (السلام علیكم) ده‌ست پێكر و گوتی” شانازیێ دكه‌م نوینه‌را گومه‌لگه‌ها موسلمان و عه‌ره‌بانم ل ئه‌مریكا .من دڤێتن گه‌نج ببینن كو دشێن بێ ترس ئاینێ خو تێكه‌لی هه‌ر جهه‌كێ نه موسلمان بكه‌ن.
لدویڤ میدیایا ئه‌مریكی نادیا وه‌كو دادوه‌ر ل دادگه‌ها بلند ل ویلایه‌تا نیوجێرسی ده‌ست بكاربوو.ئه‌ڤه‌ژی پشتی وێ چه‌ندێ دهێت كو ساله‌كێ به‌ری نوكه فیل مورفی حاكما ئه‌وێ ویلایه‌تێ بوو.
هه‌ژی بیرئینانێ یه خانما ب حیجاب یا خه‌لكا سوریایێ ژیێ وێ 2 سال بون دگه‌ل خێزانا خو به‌ره‌ف ئه‌مریكا ڤه چوبوون.هه‌ر چه‌نده ئێكه‌م خانم نینه وه‌ك دادوه‌ر ل ویلایه‌ته‌كێ كاربكه‌ت به‌لێ ئێكه‌م دادوه‌ره ب حیجابه.
